Wann der oide Wessely im Wirtshaus sitzt
Redt er gern von der Vergangenheit
Nur dass des für eam no ned vergangen is
Weil er träumt von einer neuen Zeit
"Ja, i sag's Euch" sagt der oide Wessely
"Damals unterm Hitler war's scho guat!
Heut, wann der noch lebn tät, gebert's sowas ned
Mit der ganzen Terroristenbruat"
Seine Feund, die ruafn "Bravo Wessely"
Und bestölln a neuche Runde Bier
Und die blade Wirtin setzt si a dazua
Und sie haut si auf die fettn Knia
Weu da Wessely grad Judenwitz erzöhd
Und weu des fuachtbar lustig is
Sagt die blade Wirtin mit ganz feuchte Augn
"Gratuliere, gratuliere, Herr Wessely
Kana kann so Judenwitz erzöhln wie Sie!"
Draussn auf da Strassen geht a Fackelzug
Und die Fackeln leuchten durch die Nacht
Es wern immer mehr, bis ganz taghell draussd wird
Und bis kana mehr im Wirtshaus lacht
Fäuste rütteln draussen an der Eingangstür
Und jetzt kommt ein junger Mann herein
Und der sagt: "Wo is der oide Wessely?
Der soll unser neuer Führer sein!"
Und der oide Wessely springt auf'n Tisch
Führermässig knallt er d'Hackn zamm
Und die blade Wirtin sagt: "I hab's ja g'wusst
Gratuliere, gratuliere, Herr Wessely
Kana kann den Hitlergruass so guat wie Sie!"
Plötzlich wach i auf und lieg daham im Bett
Aber es is eh zum Aufsteh Zeit
Druntn vor der Haustür steht a B'soffener
Und i hör wie der "Heil Hitler" schreit
Aufsteh, anziagn, owegehn, in d'Goschn haun
Des is alles was i machen möcht
A wann des nix ändert, mir hilft's wenigstens
Weu mer is vor Wut im Bauch ganz schlecht
Und es gibt no immer so fü Wesselys
Und ihr Mief verstinkt die ganze Wöd
Und die bladn Wirtin sterbn a ned aus
Gratuliere, gratuliere, Herr Wessely
Kana hat die Jugend so versaut wie Sie!
