Fantana vreariei (Dedicatie) ,
T-una luni catra seara
Candu ia soarli ca-s chiara
Muluvisti inghios tu padz
La musatili livadz
Rasuna boti di fluieri
Si cantiti di muieri
Ti s pareau ca tiva steali
Ca-s fâtea na numta mari
Cuscarii tut di priuna
Cu fartat cu nun cu nuna
Baga inveasta s-traga corlu
Câ acasa ii nic uborlu
Ia mutrits cum tradzi corlu
Nu-i calca pi loc ciciorlu
S-tut ii canta cu harau
Canticlu di inveasta noau
Corlu creasti tut ma creasti
S-pit virdeata s-anvârteasti
Ma mutritz inveasta ti-ari
Canda ii vini nâ lahtari
Ah corba s-adusi aminti
Câ-si fu isusita ninti
Cu un gioni musat ca soari
Ti-s lu avea laia tu vreari
Tu atea oari ancalari
Ini un om pi calea mari
El s-aproachi sta mutreasti
Vâr di cuscri nu-l cunoasti
Buna seara voi nuntari
S-va harsits cu nic cu mari
Preachea s-vâ anchirdiseasca
Banâ lungâ si s-auseascâ
Di fumei casa împlinâ
Ma lâsats inveasta s-inâ
Câ ni-u-am cusurinâ vearâ
S-voi sa-i dzâc indoau zboarâ
Înveasta s-toarnâ aspâreatâ
Mi cunostâ tini feata
Nu-ai îndreptu s-mi agârsestâ
Nits cu ochii s-mi mutrestâ
Noau ani sunt lea marata
Islu ni-l vidzui io feata
Canda aveam nâ piturnichi
Ni azbuira di pi dzânuchi
Iats Muse nelu di asimi
Ca nu mi astiptasi pi mini
Tindi Iorghi Musa fatsi
Si di na oara ii cadi in bratzâ
Ma grambolu candu veadi
Arma scoati ma nu seadi
Tradzi indreptu lu-agudeasti
Cadi Iorghi si asi greasti
Sâ-ni tâ creasca gione mâna
S-tâ bâneadzâ a tsâia armâna
Ma mârata Musi nicâ
Panili da si-s disica
Ah blâstem blâstem pi tini
Nu-ni ti aproachi ninga mini
Luats-lu aestu afurisit
Cu mortul va-ni mi marit
Aclo muri si musata armânâ
S-aclo s-adra nâ fântânâ
Jalea armânamiei
La fântâna vreariei
Melodie dedicata domnului Mitïca Raftu
