Nafarat ki laathi todo, laalach ka khanjar phenko
Zidd ke peechhe mat daudo, tum prem ke panchhi ho
Desh premiyon, aapas mein prem karo desh premiyon...
Dekho, ye dharati, ham sab ki maata hai
Socho, aapas mein, kya apana naata hai
Ham aapas mein lad baithe,
Ham aapas mein lad baithe to desh ko kaun sambhaalega
Koi baahar wala apane ghar se hamein nikaalega
Deewanon hosh karo, mere desh premiyon...
Meethe, paani mein, ye zehar na tum gholo
Jab bhi, kuch bolo, ye soch ke tum bolo
Bhar jaata hai gahara ghaav jo banata hai goli se
Par vo ghaav nahi bharata jo bana ho kadavi boli se
To meethe bol kaho, mere desh premiyon...
Todo, deewaaren, ye chaar dishaaon ki
Roko, mat raahen in, mast havaaon ki
Poorab pashchim uttar dakkshin vaalon mera matalab hai
Is maati se poochho kya bhaashha kya isaka mazahab hai
Phir mujhase baat karo, mere desh premiyon...
